Խորհրդարանն ընդունեց վարչական տուգանքների համաներման օրենքի նախագիծը

Խորհրդարանն ընդունեց վարչական տուգանքների համաներման օրենքի նախագիծը
Խորհրդարանն արտահերթ նստաշրջանում երկրորդ ընթերցմամբ և ամբողջությամբ քվեարկության ներկայացրեց մի շարք նախագծեր:

«Մի շարք վարչական իրավախախտումների համար կիրառված տուգանքների համաներման մասին» օրենքի նախագիծը, որով նախատեսվում է մինչև 2017 թվականի դեկտեբերի 31-ը կատարված որոշ վարչական իրավախախտումների նկատմամբ համաներում հայտարարել, ընդունվեց 68 կողմ, 1 դեմ և 2 ձեռնպահ ձայների հարաբերակցությամբ: Մինչ քվեարկությունն իր ելույթում ՀՀԿ խմբակցության պատգամավոր, ԴԱՀԿ նախկին պետ Միհրան Պողոսյանն հայտարարեց, որ սա «ճիշտ մոտեցում չէ բաեխիղճ վարորդների նկատմամբ», նա էլ միակ պատգամավորն է, որը դեմ քվեարկեց:

Երկրորդ ընթերցմամբ և ամբողջությամբ ընդունվեց նաև «Զինվորական ծառայության և զինծառայողի կարգավիճակի մասին» օրենքի նախագիծը՝ 78 կողմ, 1 դեմ ձայների հարաբերակցությամբ: Հիշեցնենք, որ ըստ այս փոփոխության՝ մարտական գործողությունների ժամանակ զոհված մայր կամ հայր, քույր, եղբայր ունեցող ընտանիքի միակ զավակը կազատվի պարտադիր զինվորական ծառայությունից։

Be the first to comment on "Խորհրդարանն ընդունեց վարչական տուգանքների համաներման օրենքի նախագիծը"

Leave a comment

Your email address will not be published.


*