Կգա ընտրություն, եթե իմ որդին էլ կմասնակցի՝ իրա ցավն էլ տանեմ. Ս. Միքայելյան

Կգա ընտրություն, եթե իմ որդին էլ կմասնակցի՝ իրա ցավն էլ տանեմ. Ս. Միքայելյան
Ազգային ժողովի ԵԼՔ խմբակցության պատգամավոր, Սասուն Միքայելյանը իր քաղաքական գործունեությունը շարունակելու է խորհրդարանում: Այս մասին նա ասել է՝ պատասխանելով հարցին, թե ինչու՞ կառավարությունում մի պաշտոն էլ ինքը չզբաղեցրեց:

«Առաջարկվելը ո՞րն է, ես իմ տեղում եմ՝ ինչպես միշտ: Բոլորս պետք է գնայի՞նք գործադիր, օրենսդիրում մարդ չպետք է մնա՞ր: Ես էլ իմ գործն եմ անում օրենսդիր մարմնում՝ կուսակցության գաղափարների շրջանակներում»,- ասաց նա:

Վերջին օրերին խոսվում էր, որ Հրազդանի քաղաքապետի պաշտոնը ժամանակավորապես զբաղեցնելու է Միքայելյանի որդին՝ մինչեւ ՏԻՄ ընտրությունները: Սակայն, պաշտոնը բաժին հասավ պատգամավոր օգնականին: Հարցին, թե ինչու՞ որդու փոխարեն ուրիշին տրվեց, Սասուն Միքայելյանն ասաց.

«Դա ժամանակավոր պաշտոնակատար է, որն իր գործունեությունը պետք է ծավալի: Ընտրությունների ժամանակ պարզ կլինի»:

Հարցին՝ առաջիկայում որդին առաջադրվելո՞ւ է քաղաքապետի պաշտոնի համար, նա ասաց. «Իսկ ինչու՞ չպետք է առաջադրվի, եթե ինքը գտնում է, որ պետք է առաջադրվի, ապա՝ կառաջադրվի: Իհարկե՝ կառաջադրվի»:

Դիտարկմանը, եթե պետք է առաջադրվեր, ապա ինչու՞ ժ/պ չնշանակվեց, Միքայելյանն ասաց. «Եթե ինքը պետք է առաջադրվի, ինչու՞ լիներ ժամանակավոր պաշտոնակատար, որ ժողովուրդն էլ ասեր՝ բերեին դրին, հետո էլ ընտրեցին: Կգա ընտրություն, եթե իմ որդին էլ կմասնակցի՝ իրա ցավն էլ տանեմ»:

Be the first to comment on "Կգա ընտրություն, եթե իմ որդին էլ կմասնակցի՝ իրա ցավն էլ տանեմ. Ս. Միքայելյան"

Leave a comment

Your email address will not be published.


*