Նոր քրեական գործեր կան հարուցված. Դավիթ Անանյան

Նոր քրեական գործեր կան հարուցված. Դավիթ Անանյան
«Վերջին 2 ամիսներին ՊԵԿ հետաքննական վարչության կողմից մի շարք գործեր են հարուցվել, հիմնականում Քրեական օրենսգրքի 205-րդ հոդվածով: Ես կնշեմ խոշոր երեքը՝ «Գյումրի-Գարեջուր»՝ մոտ 360 մլն դրամ իրավախախտում, «Կոնտուր Գլոբալ» հիդրոկասկադ՝ 855 մլն, «Վիլիջ Գրուպ»՝ 1․7 մլրդ դրամ»,- այսօր լրագրողների հետ հանդիպման ժամանակ հայտարարեց ՊԵԿ նախագահ Դավիթ Անանյանը:

Ըստ նրա՝ Քննչական վարչության գործունեության հետ կապված վերջին երկու ամսում հարուցված քրգործերի շրջանակներում բացահայտվել են պետությանն առանձնապես խոշոր չափերի վնաս պատճառելու դեպքեր, որոնցից ամենախոշորը կամ հիշատակման արժանի է «ՋԼՋ Պրոյեկտ Քոմփանի» ՍՊԸ-ն, որը 800 մլն չվճարված հարկերի վնասն ամբողջական տեսքով վերականգնել է պետբյուջե:

Ըստ ՊԵԿ նախագահի՝ վերականգնված վնասի կամ չվճարված հարկերի մեծությունն օր օրի աճում է, և կառավարության նիստում հնչեցված թիվը՝ 20 մլրդ 622 մլն դրամ, նույնը չի. «Դա շարունակական գործընթաց է, որովհետև նաև նոր քրեական գործեր կան հարուցված»։

Նրա խոսքով՝ տարվա ընթացքում էական մուտքային գերակատարում կլինի, և դրա արդյունքում կնվազեցվի բյուջեի պակասուրդը. «Սա դրական կերպով ազդելու է պետական պարտքի վրա»։

Դ.Անանյանը բացառեց ՊԵԿ-ում որևէ կոռուպցիոն երևույթ և նշեց, որ հարկային և մաքսային ծառայողների համար ֆինանսական և այլ անձնական մոտիվացիոն համակարգեր ապահովեն։

Be the first to comment on "Նոր քրեական գործեր կան հարուցված. Դավիթ Անանյան"

Leave a comment

Your email address will not be published.


*