«Ապագա ընտրյալիս աղի բլիթի միջոցով դեռ չեմ տեսել». Սիրո տոնին նվիրված բլից հարցում՝ Գոշի հետ

«Ապագա ընտրյալիս աղի բլիթի միջոցով դեռ չեմ տեսել». Սիրո տոնին նվիրված բլից հարցում՝ Գոշի հետ

Այսօր երիտասարդները նշում են սիրահարների բարեխոս Սուրբ Սարգիս զորավարի հիշատակության օրը: Շատերն արդեն գիշերը համտեսել են աղի բլիթն, ու չի բացառվում, որ ոմանք երազում տեսել են հմայիչ արտաքինով մեր զրուցակցին՝ երգիչ եւ դերասան Գոշին, որը վերջին շրջանում արդեն հասցրել է գրավել աղջիկներից շատերի ուշադրությունն ու սրտերը:

NEWS.am STYLE-ը բլից հարցերի միջոցով փորձել է պարզել, թե ինչպես է Գոշը վերաբերվում Սուրբ Սարգսի տոնին, երբեւէ փորձե՞լ է աղի բլիթ եւ արդյոք արդեն հասցրե՞լ է գտնել իր երկրորդ կեսին:

Գոշ, ո՞ր տարիքում ես առաջին անգամ սիրահարվել:

Դպրոցական վաղ տարիքում:

Անպատասխան սեր ունեցե՞լ ես:

Եղել է հենց այն սերը, որի մասին նշեցի:

Առաջին անգամ ե՞րբ ես սեր խոստովանել:

Երբ առաջին անգամ սիրահարվել էի, դրա հետ մեկտեղ նաեւ սեր էի խոստովանել՝ նվիրելով նրան ծաղկեփունջ:

Ի՞նչ խենթությունների ես պատրաստ հանուն սիրո:

Եթե իսկապես սիրահարվեմ ու սիրեմ, ապա ցանկացած խենթության պատրաստ եմ:

Եղե՞լ է, որ աղջիկն առաջինն է քեզ սեր խոստովանել:

Այո, նման բան եղել է:

Ինչպե՞ս ես, առհասարակ, վերաբերվում, երբ աղջիկն է առաջին քայլն անում:

Դրանում ոչ մի վատ բան չեմ տեսնում, հետեւաբար, այդ ամենն ինձ համար օրինաչափ է:

Սիրո մեջ առաջին հիասթափությունդ:

Հիասթափություն դեռ չեմ ունեցել:

Սուրբ Սարգսի տոնի խորհուրդին հավատո՞ւմ ես:

Տոնի խորհուրդին չեզոք վերաբերմունք ունեմ:

Աղի բլիթ երբեւէ փորձե՞լ ես:

Առիթ եղել է, սակայն ապագա ընտրյալիս աղի բլիթի միջոցով դեռ չեմ տեսել:

Հիմա սիրահարվա՞ծ ես:

Ոչ, սիրտս ազատ է:

Ըստ քեզ ի՞նչն է ամենակարեւորը սիրո մեջ:

Սիրո մեջ, իմ կարծիքով, ցանկացած զգացում կարեւոր է, բայց առավելապես կարեւորում եմ հարգանքը միմյանց հանդեպ:

Ի՞նչ կմաղթես բոլոր սիրահարներին:

Ցանկանում եմ, որ բոլոր նրանք, ովքեր դեռ խոստովանություն չեն արել իրենց սիրելիներին, հենց այս պահին զանգահարեն նրանց եւ ասեն իրենց սիրո մասին:

Be the first to comment on "«Ապագա ընտրյալիս աղի բլիթի միջոցով դեռ չեմ տեսել». Սիրո տոնին նվիրված բլից հարցում՝ Գոշի հետ"

Leave a comment

Your email address will not be published.


*