ՀՀԿ-ԱԿԱՆՆԵՐԻ ԱՌԱՋԱՐԿԸ՝ ԲԱՑԱՌԵԼ ՇԱՐԺԱԿԱՆ ՏԵՍԱՆԿԱՐԱՀԱՆՈՂ ՍԱՐՔԵՐԸ

ՀՀԿ-ԱԿԱՆՆԵՐԻ ԱՌԱՋԱՐԿԸ՝ ԲԱՑԱՌԵԼ ՇԱՐԺԱԿԱՆ ՏԵՍԱՆԿԱՐԱՀԱՆՈՂ ՍԱՐՔԵՐԸ
ԱԺ փոխնախագահ, ՀՀԿ-ական պատգամավոր Արփինե Հովհաննիսյանն իր ֆեյսբուքյան էջում գրառում է կատարել շարժական տեսանկարահանող սարքերի մասին։

«Հարգելի գործընկերներ, այսօր շրջանառության մեջ դրվեց իմ և պատգամավորներ Վահրամ Բաղդասարյանի, Գևորգ Կոստանյանի, Անդրանիկ Հարությունյանի կողմից օրենսդրական նախաձեռնության կարգով ներկայացված «Ոստիկանության մասին» ՀՀ օրենքում փոփոխություն կատարելու մասին օրենքի նախագիծը:

Ինչպես հիշում եք 2018թ. մարտի 3-ի Ազգային ժողովի պետական-իրավական և մարդու իրավունքների պաշտպանության հարցերի մշտական հանձնաժողովում բարձրաձայնվեց շարժական տեխնիկական միջոցներով ճանապարհային երթևեկության խախտումների արձանագրման փաստի հետ կապված մտահոգությունները և այդ ուղղությամբ օրենսդրական փոփոխությունների անհրաժեշտությունը։ https://www.youtube.com/watch?v=79CFch1U10U

Քննարկումների արդյունքում որոշվեց փոփոխություն կատարել «Ոստիկանության մասին» ՀՀ օրենքում և ընդհանրապես ԲԱՑԱՌԵԼ ճանապարհային ոստիկանության ծառայողի կողմից ճանապարհային անվտանգությունն ապահովելիս շարժական տեխնիկական սարքերով լուսանկարահանումը կամ տեսանկարահանումը: Նախագծի հիմքում ընկած են բազմիցս բարձրաձայնված մտահոգություններ առ այն, որ կա խնդիր Սահմանադրությամբ ամրագրված անձնական կյանքի անձեռնմխելիության, անձնական տվյալների պաշտպանության պահանջների հետ, ինչպես նաև հաշվի առնելով այն հանգամանքը, որ ճանապարհային ոստիկանության ծառայողը չի ապահովում պատշաճ ծանուցումը։ Այլ կերպ ասած, այս կարգավորումը ավելի շատ հարցեր էր առաջացնում, քան պատասխաններ տալիս:

Հ.Գ. Նոր ձևավորված կառավարության կողմից համապատասխան առաջարկների դեպքում (անշարժ տեխնիկական միջոցների կիրառմամբ տեսանկարահանում կամ լուսանկարահանում), պատրաստ ենք դրանք քննարկել և ընդգրկել նախագծի մեջ»։

Be the first to comment on "ՀՀԿ-ԱԿԱՆՆԵՐԻ ԱՌԱՋԱՐԿԸ՝ ԲԱՑԱՌԵԼ ՇԱՐԺԱԿԱՆ ՏԵՍԱՆԿԱՐԱՀԱՆՈՂ ՍԱՐՔԵՐԸ"

Leave a comment

Your email address will not be published.


*