Օսիպյան. Տուգանքները վճարած մարդիկ պահանջում են վերադարձնել իրենց գումարները

Օսիպյան. Տուգանքները վճարած մարդիկ պահանջում են վերադարձնել իրենց գումարները
Կառավարության այսօրվա նիստում ՀՀ ոստիկանապետ Վալերիյ Օսիպյանն ասաց, թե տուգանքների համաներման մասին իրենց որոշումից հետ եղել են նաև դժգոհություններ։

«Բարեխիղճ քաղաքացիները, ովքեր վճարել են, ասում են՝ վերադարձրեք մեր գումարները, տարբեր կարծիքներ կան համացանցում, հիմա պետք է մենք փորձենք բացատրել եղելությունը ու մեր կայացրած այս որոշման հետևանքները», — ասաց Օսիպյանը։

Նիկոլ Փաշինյանն էլ արձագանքեց, որ պետք է տեսակետները քննարկել ու կայացնել հավասարակշռված որոշում։

«Ենթադրվում է, որ կան լուծումներ, այո՚, բարեխիղճ քաղաքացիները վճարել են, շատ-շատերը չեն վճարել, որովհետև մեծ հավանականությամբ չեն ունեցել, հիմա պարոն Միրզոյանն էլ է ասում վճարել է, ես էլ եմ վճարել, դո՞ւք էլ եք վճարել պարոն Օսիպյան, իսկ պարոն Զեյնալյանը նախկինում չի վճարել, բայց որոշել է քաղաքական իրավիճակի փոփոխություններից հետո վճարել», — ասաց Նիկոլ Փաշինյանը։

Նա նշեց, որ բոլոր կարծիքներն ու մտահոգությունները հաշվի առնելով պետք է կայացվի այս հարցով հավասարակշիռ որոշում։

Be the first to comment on "Օսիպյան. Տուգանքները վճարած մարդիկ պահանջում են վերադարձնել իրենց գումարները"

Leave a comment

Your email address will not be published.


*